"Азаттыктын" журналисти, "Ыңгайсыз суроолор" телепрограммасынын алып баруучусу. Бишкек гуманитардык университетинин Түркология жана маданияттар аралык коммуникация факультетин аяктаган.
“Менин тандоомдун мезгили” жарандык уюмдар союзу шайлоо процесси одоно мыйзам бузуулар менен коштолгонун билдирди.
Бишкекте Университет шайлоо чөлкөмүндө добуш бергендердин 70 пайызы 1-кабинага гана барып добуш беришти.
БШК jashtar.kg сайтындагы «Жарандык коомдор союзу» 15-июлда жарыялаган отчет шайлоо алдындагы мыйзамды бузат деген чечим кабыл алды.
Түштүктө Кыргыз-Орус антитеррордук борбор түзүү боюнча сүйлөшүүлөр жүрүүдө, деп билдирди президент Курманбек Бакиев “Нью-Йорк таймс” гезитине берген интервьюсунда. Анын айтымында, өлкөнүн түштүк аймагында террор менен күрөшүү үчүн эки мамлекеттин биргелешкен аскердик машыгуу борбору түзүлүшү мүмкүн.
Орусиянын вице-премьер-министри Игорь Сечин баштаган делегация кечээ Бишкекке келип кетти. Алар президент Курманбек Бакиев менен жолугушканы айтылууда. Бирок президенттин басма сөз кызматы бул иш сапардын максаты жана өлкө башчысы менен андай жолугушуу болгон-болбогону туурасында эч кандай маалымат тараткан жок.
Бүгүн Камбар-Ата-2 ГЭСинин курулушуна алгачкы студенттик отряд жөнөп кетти. Жогорку окуу жайда окуган 50 студент өз каалоолору менен гидроэлектростанциянын курулушуна кол кабыш кылышат. Быйыл жай ичи Камбар-Ата ГЭСине жалпы 300 студент кезек менен бармай болду. Алар курулуш иштеринде сентябрь айына чейин болушат.
Базарда жайнап сатылып жаткан кытай оюнчуктары кардарларды сапаты менен эмес, баасынын арзандыгы менен тартат. Адистердин айтымында, азыр базарлардагы сатуучулардан оюнчуктун сапатын тастыктаган сертификаттарды көрүү дээрлик мүмкүн эмес. "Кыргызстандартка" быйыл жыл башынан бери сертификат алуу үчүн бир гана дүкөн кайрылган.
Кыргызстандын айрым жогорку окуу жайларында окуу процесси шайлоо күнүнө чейин узартылды. Укук коргоочулар окуучуларды жайкы эс алууга жибербөө - жаштардын конституциялык укугун бузуу болгонун эскертишүүдө. Укук коргогон жарандык уюмдар союзу шайлоо алдындагы үгүт жараянына мониторинг жүргүзүп, административдик ресурс байма-бай колдонулуп жатат деген жыйынтыкка келишти.
Кыргызстанда бизнес өкүлдөрү президенттен “Туризм жөнүндөгү” жаңы мыйзамга вето коюну өтүнүп жатышат. Алар бул мыйзам туризм чөйрөсүндөгү көйгөйлөрдү чечпейт, ал эми ишкерлердин иш аракеттерин чектөөлөргө салат деген жүйөөсүн айтышууда. Мыйзамды иштеп чыккандар болсо бардык тараптын кызыкчылыгы эске алынгандыгын белгилеп жатышат.
“Президентикке талапкерлерлердин кимисин тааныйсыз?” деген суроо менен “Азаттык плюс” жаштардын арасында 50 адамга кайрылган. Көпчүлүк К.Бакиевди, А.Атамбаевди жана Т.Сариевди дурусураак билээрин айтты. Бул үч талапкер тең - саясий партиялардан көрсөтүлгөндөр. Алар жумурияттагы жаш электораттын добушун алуу үчүн кандай аракет көрүшөт?
Өлкө башчысы соңку кезде элдин жашоосун жакшыртууга арбын аракет жасалып жатканын байма-бай айтып келүүдө. Бирок коомчулукта Бакиев доорунда анча-мынча өзгөрүүлөр болгондой сезилгени менен, Акаев убагында түптөлүп калган коррупциялык система ошол бойдон калганы, а түгүл андан да күчөп кеткени тууралуу пикирлер күч.
Бүгүн Кыргызстанда музейлердин эл аралык күнү белгиленүүдө. Бирок бул майрамды Кыргызстанда музей кызматкерлеринен башка эч ким деле белгилеген жок. Анткени азыр өлкөдө музейге кызыккандар өтө эле аз.
Борбордук шайлоо комиссиясынын мурунку төрайымы Клара Кабилова жакында Москвадан келип, жергиликтүү маалымат агенттигине интервью берди. Анда ал Москвага өзү качып кеткенин, аны коркуткан адамдын үнү президенттин баласы Максим Бакиевдин үнүнө окшош болгонун, бирок азыр “ал Максим Бакиев эмес болуш керек” деп ойлоп атканын айтты.
СДПК БШКдан шайлоону таза өткөрүүнү талап кылды. БШК болсо мыйзамдын алкагында шайлоону акыйкат өткөрүү аракетин көрөөрүн билдирди. Бирок серепчилер БШК иш жүзүнө келгенде шайлоонун ачык таза өтүүсүнө кепил болуп бере албастыгын белгилеп жатышат.
Согуштун ардагерлери алган пенсияларынын басымдуу бөлүгүн дары-дармектерге жумшашат. Анткени карылыктын туткунунда калган ардагерлер ден соолук үчүн күрөшүүгө аргасыз. Бүгүнкү күндө орточо 1600 сом пенсия жана мамлекет тарабынан каралган айрым жеңилдиктер алардын керектөөсүн толугу менен жаба албайт. Ошондуктан алар өкмөттөн бекер дары-дармек менен камсыздоо жардамын күтүп келишет.
Бүгүн президент Курманбек Бакиев өлкөдөгү 30 бейөкмөт уюм өкүлдөрү менен жолугушуп, кызматташуу боюнча келишимге кол койду. Бирок айрым бейөкмөт уюмдардын лидерлери мамлекет башчы менен жолугушуудан баш тартышкан.
Бул тууралуу ички иштер министри Молдомуса Конгантиев парламенттин Коргонуу, коопсуздук жана соттук-укук боюнча комитетте билдирди. Тапанчанын ээсинин аты-жөнү такталган, ал террордук топтун мүчөсү болуп саналат.
Депутат Руслан Шаботоев менен Жусупжан Жээнбековдун уулу Бахтияр Амиражановдун өлүү-тирүү экендигинен туугандары да кабардар деген айыңдар айтылып жатат. Ички иштер министри Молдомуса Конгантиевдин айтуусунда, мындай сөздөр издөө иштерин оор жагдайга туш кылып, адаштырып жатат.
Кыргызстандын журналисттери өздөрүнүн Этикалык кодексинин жаңы редакциясын кабыл алышты. Этикалык кодекс так маалымат жеткирүү жана аудиториянын ишеничине ээ болуу милдетин алып жүрөт. Документ сунуштама мүнөзгө ээ болгондуктан, андагы кабыл алынган эрежелерди журналисттер өз каалоолоруна жараша аткарышат.
Унаа жана байланыш министрлиги “кара тизмеге” кирип калууга себеп болгон кемчиликтердин дээрлик бардыгы жоюлганын билдирүүдө. Эми Эл аралык жарандык авиация жана Евробиримдиктин өкүлдөрүнөн турган эксперттер ушул айда Кыргызстанга келип, авиакомпаниялардын абалына баа бериши керек.
Дагы жүктөңүз
